Pad Słuckam hruzavik urezaŭsia ŭ mikraaŭtobus z vaśmiu pasažyrami i pierakuliŭsia
Avaryja adbyłasia dniom 24 lutaha na 118‑m kiłamietry trasy Minsk — Mikaševičy.
33‑hadovy kiroŭca fury z paŭpryčepam nie paśpieŭ zatarmazić i sutyknuŭsia z aŭtobusam Volkswagen Crafter, jaki spyniŭsia na čyrvony sihnał śviatłafora. Paśla ŭdaru hruzavy aŭtamabil vykinuła ŭ kiuviet, jon pierakuliŭsia.
U vyniku DTZ paciarpieli 23‑hadovy pasažyr aŭtobusa i kiroŭca fury. Ich dastavili ŭ balnicu dla abśledavańnia.
U momant avaryi ŭ sałonie aŭtobusa znachodzilisia vosiem pasažyraŭ — usie byli pryšpileny ramianiami biaśpieki.