Biełaruskaja čyhunka papiaredziła pra zboi ŭ pracy svaich internet-resursaŭ
Unočy 26 lutaha, z 00:00 da 04:00, na resursach Biełaruskaj čyhunki buduć pravodzicca techničnyja raboty. Praz heta mahčymyja pieraboi z dostupam da aficyjnaha sajta i mabilnaha dadatku čyhunki. Časova moža nie adlustroŭvacca raskład ruchu ciahnikoŭ u raździele dla pasažyraŭ, a taksama budzie niedastupny sam sajt.
Zdymak ilustracyjny. Fota: Lookby.media
Raboty pravodziacca ŭ suviazi z apaviaščeńniem ad chostynhavaj kampanii pra nieabchodnaść techničnaha absłuhoŭvańnia.
U hety pieryjad nabyć abo viarnuć kvitki praź internet budzie niemahčyma — dla hetaha treba budzie źviartacca ŭ čyhunačnyja kasy. Razam z tym kvitki na ciahniki ź nienumaravanymi miescami možna aformić praz terminały samaabsłuhoŭvańnia.
Čytajcie taksama:
Na dva dni admieniać niekatoryja ciahniki praz ramont čyhunačnaha mosta
Pamiž Biełaruśsiu i Rasijaj zapuściać novyja pryharadnyja ciahniki
Złamaŭsia ciahnik Brest — Viciebsk
Biełčyhunka znoŭ zamianiaje «Štadler» na sastaŭ sa zvyčajnych vahonaŭ