Dvoje inšaziemcaŭ pakinuli pracu ŭ biełaruskaha fiermiera, kab pierabracca ŭ Jeŭrasajuz
17 lutaha najmalnik, jaki pryciahvaje ŭ Biełaruś zamiežnuju pracoŭnuju siłu, źviarnuŭsia na milicejskuju liniju «102» i paviedamiŭ, što dvoje zamiežnikaŭ, jakija pryjechali ŭ Biełaruś pracavać u fiermierskaj haspadarcy, samavolna pakinuli miesca pražyvańnia i źnikli ŭ nieviadomym kirunku, paviedamlaje RUUS Minskaha abłvykankama.
Zdymak ilustracyjny. Fota: Lookby.media
Supracoŭniki kryminalnaha vyšuku Maładziečanskaha RAUS razam z kalehami z abłasnoha ŭpraŭleńnia ŭnutranych spraŭ na praciahu sutak ustanavili miescaznachodžańnie ŭciekačoŭ. Vyśvietliłasia, što jany płanavali pakinuć terytoryju Biełarusi, kab niezakonna pierasiačy dziaržaŭnuju miažu i dalej vyjechać u krainy Jeŭrapiejskaha Sajuza.
Zatrymanych ciapier vyšluć ź Biełarusi. Razhlad ich spravy, jak heta apošnim časam zaviedziena, praviali publična ŭ prysutnaści bolš jak dziesiaci inšych zamiežnikaŭ, jakija znachodziacca ŭ krainie z metaj navučańnia abo pracy.
Čytajcie taksama:
U Pakistanie nabirajuć darožnych rabočych dla pracy ŭ Biełarusi
Kubrakoŭ ahučyŭ ličby departacyi zamiežnikaŭ ź Biełarusi za 2025 hod
U Minsku zatrymali zamiežnaha chip-chop vykanaŭcu, jaki byŭ i narkahandlarom