Rasijski zek-vajskoviec pakryŭdziŭsia na słova «apuščany» i rasstralaŭ šeść sasłužyŭcaŭ
Adzin były źniavoleny za niekalki chvilin źniščyŭ cełuju hrupu raźviedčykaŭ — deficytnych śpiecyjalistaŭ pa bieśpiłotnikach.
Rasijski zek zabiŭ šeść i paraniŭ dvuch vajskoŭcaŭ adździaleńnia BpŁA, raspaviadaje ŭkrainski prajekt «Chaču žyć».
Kanflikt pamiž raźviedčykami — apieratarami BPŁA (27‑ia bryhada i centr «Rubikon») i šturmavikami ź liku byłych źniavolenych (121‑y połk) razhareŭsia praz vypadkovy ahoń pa svaich — piłoty vypadkova spalili dronam kvadracykł rasijskich ža šturmavikoŭ.
U vyniku pamiž raźviedčykami i šturmavikami zaviazałasia pierapałka.
«Maładyja raźviedčyki pasprabavali vierbalna ŭździejničać na šturmavikoŭ. Adzin ź ich — hranatamiotčyk Karaloŭ Alaksiej Mikałajevič, jaki adbyvaŭ 12‑hadovy termin u turmie, ale vyzvaliŭsia pa kantrakcie z MA RF», — raspaviadaje prajekt.
Siaržant Pietuchoŭ pačaŭ pahražać Karalovu tym, što prymusić jaho da «seksualnaha kantaktu nienaturalnym čynam», abazvaŭšy jaho «apuščanym».
Paśla hetaha Karaloŭ schapiŭ zbroju i adkryŭ ahoń.
Padčas davoli chutkaha boju zahinuli:
▪️ siaržant Pietuchoŭ Vadzim Alaksandravič, 12.07.1997, načalnik raźliku FPV uzvoda BpŁA Vyprabavalnaha centra pierśpiektyŭnych bieśpiłotnych technałohij «Rubikon», h. Kubinka;
▪️ siaržant Hałataŭ Dźmitryj Siarhiejevič, 02.08.1993, kamandzir raźviedvalnaha adździaleńnia roty raźviedki 27‑j AMSBr;
▪️ jafrejtar Kraviec Radzivon Eduardavič, 05.10.2003, apieratar raźliku FPV uzvoda BpŁA roty raźviedki 27‑j AMSBr;
▪️ mał. siaržant Nizoŭcaŭ Siarhiej Alaksandravič, 14.04.2001, starejšy apieratar raźliku FPV uzvoda BpŁA roty raźviedki 27‑j AMSBr;
▪️ mał. siaržant Siaroŭ Pavieł Alaksandravič, 26.06.1988, starejšy raźviedčyk-apieratar roty raźviedki 27‑j AMSBr;
▪️ jafrejtar Kuźniacoŭ Viačasłaŭ Maksimavič, 28.12.2000, raźviedčyk-sapior roty raźviedki 27‑j AMSBr.
Jašče dvoje raźviedčykaŭ byli paranienyja.
Karalova zatrymali.