Vyjšaŭ zbornik ese Chany Arent «Pra čałaviečnaść u ciomnyja časy»
Knihu vypuściła vydaviectva «Pflaŭmbaŭm».
Heta kniha pačałasia z pytańnia, zadadzienaha biełaruskaj piśmieńnicaj Śviatłanaj Aleksijevič viadomaj niamieckaj ekśpiertcy pa intelektualnaj spadčynie Arent Mary Łuize Knot na fiestyvali mižnarodnaj litaratury ŭ Kiolnie ŭ 2022-m, piša vydaviectva ŭ svaich sacsietkach.
«Ci možacie vy mnie skazać, što Channa Arent dumała pra kalektyŭnuju vinu, ci isnuje niamieckaja vina?» — spytała Śviatłana. Jaje cikaviŭ paniatak «arhanizavanaj viny», to-bok toj fakt, što nacysty zrabili niemcaŭ saaŭtarami złačynstva ci pasiŭnymi saŭdzielnikami.
Pakolki mahčymaści padrabiazna abmierkavać hetaje pytańnie ŭ ich nie było, Śviatłana prapanavała Mary Łuize ŭkłaści knihu ese Arent dla vydańnia ŭ vydaviectvie «Pflaŭmbaŭm». Vynik — pieršaja kniha znakamitaj myślarki pa-biełarusku.
Pierakładali ese Alena Piatrovič, Volha Hronskaja, Alena Tałapiła, Kaciaryna Tevies. Redaktarka — Kaciaryna Macijeŭskaja.
Vydańnie stała mahčymym pry padtrymcy Goethe-Institut
Nabyć navinku možna tolki na Vilenskim knižnym kirmašy na stendzie 5.A10.