Z Hrodna zapuściać jašče try aŭtobusy ŭ Varšavu
Z 1 sakavika źjaviacca try dadatkovyja rejsy aŭtobusaŭ z Hrodna ŭ Varšavu.
Jak raspaviali pradstaŭniki servisu pa prodažy biletaŭ «Atłas Bas», pa darozie jany buduć spyniacca ŭ Biełastoku.
Novyja rejsy buduć adpraŭlacca ŭ Varšavu z Hrodna ŭ 03:00 i 05:15. Nazad z polskaj stalicy aŭtobusy buduć vyjazdžać u 09:45 i 18:30.
Adpraŭleńnie ź Biełastoka ŭ Hrodna — u 12:25 i 21:10. Pieravozčykam vystupaje «Fłajbus».
Jašče adzin rejs z 1 sakavika arhanizuje polski pieravozčyk Bialystok Ekspres. Vyjezd z Hrodna — u 03:15. U zvarotny šlach aŭtobus adpravicca z Varšavy ŭ 10:00, a ŭ 13:00 jon vyjazdžaje ŭžo ź Biełastoka.
Na ŭsich rejsach košt pajezdki da Varšavy składzie 130 rubloŭ, da Biełastoka — 100. Usie aŭtobusy iduć praz punkt propusku «Bierastavica».
Zaraz čerhaŭ na miažy ŭ «Bierastavicy» niama.