U Słonimie navučenku kaledža pazbavili prava samoj rasparadžacca stypiendyjaj
U Słonimie sud abmiežavaŭ prava niepaŭnaletniaj navučenki kaledža samastojna rasparadžacca svaimi dachodami da dasiahnieńnia 18 hadoŭ. Z takoj inicyjatyvaj vystupiŭ prakuror Słonimskaha rajona, jaki źviarnuŭsia ŭ sud z prośbaj pazbavić dziaŭčynu mahčymaści samastojna karystacca stypiendyjaj i inšymi vypłatami, paviedamlaje Hienieralnaja prakuratura.
Zdymak ilustracyjny. Fota: «Naša Niva»
Vyjaznoje sudovaje pasiadžeńnie prajšło ŭ Słonimskim dziaržaŭnym miedycynskim kaledžy.
Dziaŭčyna, spravu jakoj razhladali, zastałasia biez apieki baćkoŭ i znachodzicca na poŭnym dziaržaŭnym zabieśpiačeńni. Jaje zakonnym pradstaŭnikom pryznačany dyrektar kaledža. Štomiesiac na bankaŭskuju kartku navučency naličvalisia stypiendyja i inšyja srodki na ŭtrymańnie.
Adnak ža, pavodle materyjałaŭ spravy, dziaŭčyna vielmi chutka traciła ŭsie hrošy — na adzieńnie, ježu, kurylnyja sistemy i vadkaści da ich. Pry hetym jana zabiaśpiečvała sabie tolki minimalny ŭzrovień patreb, niedastatkovy dla zdarovaha i biaśpiečnaha ładu žyćcia.
Taksama adznačałasia, što dziaŭčyna vučyłasia pasredna i biez uvažlivych pryčyn prapuskała zaniatki. Na sudzie jana pryznała słušnaść zroblenych joj zakidaŭ.
U vyniku sud pastanaviŭ pazbavić dziaŭčynu prava samastojna rasparadžacca stypiendyjaj i inšymi dachodami da svajho paŭnalećcia.
Čytajcie taksama:
Major z Hrodzienskaj vobłaści skraŭ u pałka amal miljon rubloŭ i sieŭ u turmu
Stała viadoma, kolki karupcyjanieraŭ asudzili letaś i jak ich karali