U Smarhoni 14‑hadovaja dziaŭčynka, kab nie iści na kantrolnuju, nahłytałasia 20 tabletak paracetamołu i trapiła ŭ balnicu
Školnicu špitalizavali z dyjahnazam miedykamientoznaje atručeńnie.
Supracoŭniki milicyi ŭstanavili, što, znachodziačysia doma, jana vypiła bolš za 20 tabletak «Paracetamołu».
Adčuŭšy młosnaść i hałavakružeńnie, jana paviedamiła pra svajo samaadčuvańnie maci, jakaja nieadkładna vyklikała chutkuju miedycynskuju dapamohu.
Pavodle vysnoŭ sudovaha ekśpierta, u niepaŭnaletniaj vyjaŭlena atručeńnie paracetamołam z raźvićciom vostraha taksičnaha hiepatytu i piačonačnaj encefałapatyi lohkaj stupieni, što vyznačajecca jak lohkaje cialesnaje paškodžańnie pa prykmiecie karotkačasovaha rasstrojstva zdaroŭja.
Dziaŭčynka patłumačyła, što pryčynaj nieabdumanaha ŭčynku było žadańnie pahoršyć svajo samaadčuvańnie, kab nie iści ŭ škołu na kantrolnuju pracu.