Za hod u Biełarusi likvidavali amal 40 narkašopaŭ
U 2025 hodzie ŭ Biełarusi spynili dziejnaść 39 internet-kram, jakija zajmalisia prodažam narkotykaŭ. Pra heta na pres-kanfierencyi paviedamiŭ namieśnik načalnika hałoŭnaha ŭpraŭleńnia narkakantrolu i supraćdziejańnia handlu ludźmi MUS Andrej Kudrycki.
Zdymak ilustracyjny. Fota: freepik.com
Pavodle słoŭ Kudryckaha, u kožnym vypadku siłaviki ŭstanavili i likvidavali ŭsiu złačynnuju schiemu — ad zakładčykaŭ, kurjeraŭ i tych, chto zajmaŭsia finansami, da arhanizataraŭ i ŭładalnikaŭ internet-placovak.
Viarboŭka novych udzielnikaŭ adbyvałasia pieravažna praz sacyjalnyja sietki, miesiendžary i darknet — šlacham masavaj rassyłki paviedamleńniaŭ z prapanovami «pracy». U MUS papiaredžvajuć, što takija abiacańni lohkaha i chutkaha zarobku mohuć vielmi chutka pryvieści da kryminalnaj adkaznaści.
Siaredni ŭzrost tych, kaho pryciahvajuć da adkaznaści za raspaŭsiud narkotykaŭ, składaje 25—30 hadoŭ. Adnak fiksujucca i vypadki, kali fihurantami stanoviacca padletki, u tym liku 13-hadovyja.
Za minuły hod MUS kanfiskavała bolš za 1,3 tony narkatyčnych srodkaŭ, a ahulny abjom, vyjaŭleny ŭsimi siłavymi strukturami, pieravysiŭ 3 tony. Najbolšym popytam, pavodle źviestak viedamstva, karystajucca takija psichatropnyja rečyvy, jak miefiedron, lifiedron i alfa-PVP.
Čytajcie taksama:
Biełarus pad vyhladam zapčastak pieravoziŭ 111 kiłahramaŭ hašyšu
Były doktar-narkołah vyroščvaŭ doma ŭ Minsku kanopli
Taksist vyklikaŭ chutkuju pasažyru, ale tamu stała kiepska ad narkotykaŭ
Sietku narkaspaŭsiudžvalnikaŭ raskryli ŭ Minsku. Zatrymana 8 čałaviek