Sioleta zapuściać ekśpierymient z elektronnymi balničnymi
Ministr pracy i sacyjalnaj abarony Andrej Łabovič na vynikovaj kalehii viedamstva anansavaŭ ekśpierymient pa ŭkaranieńni elektronnych balničnych, paviedamlaje BiełTA.
Fota ilustracyjnaje
Pa słovach Andreja Łaboviča, Ministerstva pracy i sacyjalnaj abarony praviadzie ŭ 2026 hodzie ekśpierymient pa ŭkaranieńni elektronnych balničnych sumiesna ź sistemaj achovy zdaroŭja.
Na pieršym etapie ličbavy farmat budzie prymianiacca tolki da listkoŭ niepracazdolnaści pa ciažarnaści i rodach. Ministr zajaviŭ, što vyniki ekśpierymientu dazvolać pryniać rašeńnie ab dalejšym ukaranieńni praktyki na ŭzroŭni ŭsioj krainy.
Łabovič taksama adznačyŭ vysoki ŭzrovień ličbavizacyi sistemy Minpracy, jakaja ŭklučaje bolš za 18 infarmacyjnych resursaŭ. Zadačaj viedamstva jon nazvaŭ pierachod da praaktyŭnaha farmatu pracy z maksimalnym vykarystańniem dastupnych dziaržaŭnych infarmacyjnych resursaŭ.
Kiraŭnik viedamstva ŭpeŭnieny, što heta značna sprościć dla hramadzian praces atrymańnia daviedak i dakumientaŭ, nieabchodnych dla pryznačeńnia piensij, dapamoh i apłaty balničnych.
Čytajcie taksama:
Elektronnyja balničnyja źjaviacca ŭ Biełarusi ŭ 2026 hodzie
U Minpracy raskazali, kali piarojduć na elektronnyja balničnyja