Pastaŭki rasijskaj nafty ŭ Indyju abrynulisia da minimumu za apošnija čatyry hady
U studzieni impart Indyjaj rasijskaj nafty ŭpaŭ na 40% u paraŭnańni sa śniežniem i bolš čym udvaja ŭ hadavym vymiareńni. Abjomy źnizilisia da 859 tysiač baralaŭ u sutki — heta najnižejšy pakazčyk z červienia 2022 hoda. U śniežni 2025 hoda pastaŭki taksama skaracilisia: na 4% u paraŭnańni z anałahičnym pieryjadam minułaha hoda i na 25% adnosna listapada, piša The Moscow Times.
Zdymak ilustracyjny. Fota: Indranil Aditya/NurPhoto via Getty Images
Asnoŭnymi pryčynami hetaha nazyvajuć uzmacnieńnie cisku z boku ZŠA i imknieńnie Indyi zaklučyć vyhadnaje handlovaje pahadnieńnie z Vašynhtonam. Dola rasijskaj nafty ŭ indyjskim imparcie ŭ studzieni źniziłasia da 21,2% — heta minimum z kastryčnika 2022 hoda.
Kab kampiensavać straty, Indyja pavialičvaje zakupki na Blizkim Uschodzie. Najbujniejšym pastaŭščykom stała Saudaŭskaja Aravija, dola jakoj vyrasła da 55%. Taksama Indyja adnaviła zakupki vieniesuelskaj nafty, zakazaŭšy nie mienš jak 6 miljonaŭ baralaŭ z pastaŭkaj u krasaviku. Vieniesuelskaja nafta kaštuje prykładna na 15 dalaraŭ za baral tańniej za Brent, što robić jaje pryvabnaj dla indyjskich naftapierapracoŭčych zavodaŭ.
Paśla pačatku vajny va Ukrainie ŭ 2022 hodzie Indyja stała najbujniejšym kupcom rasijskaj nafty, karystajučysia značnymi źnižkami. Adnak ź siaredziny 2025 hoda abjomy pačali źmianšacca pad ciskam ZŠA i ES. Pavodle prahnozaŭ, u najbližejšyja miesiacy pastaŭki mohuć skaracicca jašče bolš.
Čytajcie taksama:
Rentabielnych zapasaŭ nafty ŭ Rasii chopić na 32 hady
Iran choča prapanavać Trampu naftavuju ździełku, kab jon jaho nie čapaŭ
Tramp: Premjer Indyi pahadziŭsia bolš nie kuplać rasijskaj nafty
ZŠA prapanavali Indyi zamianić rasijskuju naftu na vieniesuelskuju