Iran śćviardžaje, što minimum 51 čałaviek zahinuŭ u vyniku ŭdaru pa škole
Minimum 51 čałaviek zahinuŭ u vyniku ŭdaru pa škole na poŭdni Irana, paviedamlaje miascovaje dziaržaŭnaje ahienctva.
Pa danych infarmacyjnaha ahienctva IRNA, kolkaść zahinułych u vyniku ŭdary pa pačatkovaj škole dla dziaŭčynak u iranskim horadzie Minab vyrasła da 51 čałavieka, jašče 60 atrymali ranieńni.
Jak adznačaje ahienctva, haradski čynoŭnik Machamied Radmiechr zajaviŭ, što pa škole siońnia ranicaj byŭ «naniesieny pramy ŭdar».
Jon dadaŭ, što padčas ataki ŭ budynku znachodzilisia 170 čałaviek, tamu isnuje imaviernaść, što kolkaść zahinułych moža pavialičycca, bo vyratavalnaja apieracyja ŭsio jašče praciahvajecca.
U horadzie Minab znachodzicca baza vartavych isłamskaj revalucyi.
Niezaležnych paćviardžeńniaŭ rakietnaha ŭdaru pa škole pakul niama.