«Im lepš hetaha nie rabić». Tramp papiaredziŭ Iran na fonie pahroz adkazać «najmacniejšym udaram»
Prezident ZŠA Donald Tramp apublikavaŭ zajavu, u jakoj adreahavaŭ na paviedamleńni z Tehierana pra novy mahutny ŭdar, što jany rychtujuć. Pavodle zajavaŭ iranskaha boku, jon pavinien stać macniejšym za ŭsie papiarednija ataki ŭ historyi krainy.
U svaim zvarocie Tramp pieraściaroh iranskaje kiraŭnictva ad takich dziejańniaŭ. Jon zajaviŭ, što ŭ vypadku realizacyi hetych pahroz Złučanyja Štaty adkažuć siłaj, jakoj śviet jašče nikoli nie bačyŭ.
«Iran tolki što zajaviŭ, što siońnia jany źbirajucca nanieści vielmi mocny ŭdar — macniejšy, čym kali-niebudź raniej. IM LEPŠ HETAHA NIE RABIĆ, BO KALI JANY HETA ZROBIAĆ, MY ŬDARYM PA ICH Ź SIŁAJ, JAKOJ JAŠČE NIKOLI NIE BAČYLI!» — napisaŭ Tramp.
Siońnia nočču Iran aficyjna paćvierdziŭ hibiel ajatały Ali Chamieniei, tam paabiacali adpomścić Izrailu i ZŠA.