Francyja, Hiermanija i Vialikabrytanija papiaredzili Iran pra mahčymaść vajennaha ŭmiašańnia
Lidary troch jeŭrapiejskich dziaržaŭ vystupili z žorstkaj zajavaj u adras Tehierana paśla sieryi rakietnych napadaŭ na krainy Blizkaha Uschodu.
Sumiesnaje paviedamleńnie apublikavana na sajcie ŭrada Hiermanii.
Paryž, Bierlin i Łondan vykazali abureńnie «nievybiralnymi i niesuraźmiernymi» ŭdarami Irana, jakija zakranuli navat tyja dziaržavy rehijona, što nie ŭdzielničali ŭ vajennych apieracyjach ZŠA i Izraila. Lidary adznačyli, što dziejańni Tehierana pahražajuć nie tolki sajuźnikam, ale i jeŭrapiejskim vajskoŭcam, a taksama mirnamu nasielnictvu.
«My prymiem nieabchodnyja miery dla abarony našych intaresaŭ i intaresaŭ našych sajuźnikaŭ u rehijonie. Heta moža ŭklučać, pry nieabchodnaści, prymianieńnie suraźmiernych vajennych mier abarony dla źniščeńnia zdolnaści Irana zapuskać rakiety i bieśpiłotniki pa krynicy ich paražeńnia», — havorycca ŭ zajavie.
Krainy paćvierdzili hatoŭnaść kaardynavać svaje dziejańni z ZŠA i rehijanalnymi partniorami.