Supracoŭniki słužby evakuacyi adździalilisia ad «Bajsoła». Ciapier budzie ProEvac
Kamanda evakuacyi, jakaja bolš za piać hadoŭ pracavała sumiesna z «Bajsołam», ad siońnia pačynaje samastojnuju dziejnaść jak inicyjatyva ProEvac.
Fota: Damian Lemanski / Bloomberg via Getty Images
«My zachoŭvajem raniejšuju misiju, padychody i standarty biaśpieki. Padtrymka ludziej, jakija znachodziacca ŭ niebiaśpiecy, zastajecca dla nas hałoŭnym pryjarytetam», — havorycca ŭ paviedamleńni.
Źviazacca z kamandaj pa-raniejšamu možna praz Telegram:
Fiodar — @dogen_free,
Paša — @evac_help.
Padać zajaŭku na evakuacyju možna tut.
«My vybudavali ŭstojlivuju sistemu dapamohi, adpracavali pratakoły biaśpieki i nabyli značny praktyčny vopyt u evakuacyi ludziej z zony ryzyki. Dla nas važna zachoŭvać mahčymaść samastojnaha raźvićcia.
Kirunak evakuacyi ŭ «Bajsole» praciahvaje pracavać u svaim farmacie», — udakładniajecca ŭ paviedamleńni.
Častka kamandy evakuacyi praciahvaje pracavać u «Bajsole». Tyja, kamu treba dapamoha, mohuć taksama źviazvacca ź joj praz formu, apublikavanuju na sajcie fondu.