Najbujniejšy naftavy zavod Saudaŭskaj Aravii spyniŭ pracu paśla ataki iranskaha drona
Siońnia, 2 sakavika 2026 hoda, dziaržaŭnaja kampanija Saudaŭskaj Aravii Aramco całkam spyniła vytvorčaść na svaim hihanckim naftapierapracoŭčym zavodzie ŭ Ras-Tanury. Pryčynaj staŭ udar iranskaha bieśpiłotnika, jaki vyklikaŭ pažar na terytoryi NPZ.
Kiraŭnictva zavoda vyrašyła nie ryzykavać i pastaviła ŭsie pracesy na paŭzu, kab pravieryć, ci nie paškodžana važnaje abstalavańnie.
Hetaja navina ŭskałychnuła suśvietnyja biržy. Ras-Tanura — adzin z najvažniejšych zavodaŭ dla suśvietnaha rynku paliva, tamu nafta marki Brent usiaho za niekalki hadzin padaražeła adrazu na 9,32%.
Saudaŭskija ŭłady pakul nie nazyvajuć dakładnyja terminy, kali zavod znoŭ zapuściać.