Most pamiž Čyžoŭkaj i Sierabrankaj u Minsku budavać nie buduć
Tema budaŭnictva mosta, jaki moh by złučyć park imia 900‑hodździa Minska i park imia M. Hrekavaj, pieryjadyčna stanovicca pradmietam abmierkavańnia minčan.
Most moh być tut
Malaŭničyja žyłyja rajony Čyžoŭki dy Sierabranki padzialaje Čyžoŭskaje vadaschovišča. Praź jaho — rukoj padać da susiedniaha mikrarajona. Adnak most praz vadaschovišča budavać nie płanujecca, raskazaŭ kiraŭnik administracyi Zavodskaha rajona Uładzimir Šybieka, paviedamlajuć «Minsk-naviny».
Tema budaŭnictva mosta, jaki moh by złučyć park imia 900‑hodździa Minska i park imia M. Hrekavaj, pieryjadyčna stanovicca pradmietam abmierkavańnia minčan.
— Pamiž dvuma žyłymi rajonami na siońniašni dzień dastatkova maršrutaŭ.
Tamu budaŭnictva mosta pamiž Čyžoŭkaj i Sierabrankaj nie płanujecca, — adznačyŭ U. Šybieka. — Transpartnaja sietka całkam spraŭlajecca z pasažyrapatokam, jość pramyja maršruty, takija jak tralejbus № 49, jakija złučajuć žyłyja rajony.
Pavodle słoŭ kiraŭnika rajonnaj administracyi, dla ŭładalnikaŭ aŭtamabilaŭ šlach z Čyžoŭki ŭ Sierabranku taksama nie składany: dajechać možna za 10—15 chvilin.