Zatrymali 27‑hadovuju pinčanku, jakaja vierbavała dziaŭčat dla intym-pasłuh za miažoj
Jaje zatrymali ŭ aeraporcie, kali jana adpraŭlała čarhovuju dziaŭčynu.
Uvosień 2023 hoda dziaŭčyna ŭbačyła ŭ instahramie abjavu pra chutki zarobak. Akazałasia, praca zaklučałasia ŭ akazańni intymnych pasłuh u Dubai. Takim čynam jana zarablała niekalki hadoŭ. Z kožnaj zamovy zabirała sabie pałovu sumy, astatniaje — «najmalniku», piša Biełta.
«Dziaŭčyna pierastała akazvać intymnyja pasłuhi i zasiarodziłasia na arhanizatarskaj pracy. Dziaŭčaty, jakija adhukalisia na abiacańnie lohkaha zarobku (jak i jana sama raniej), pryjazdžali ŭ Dubaj. Fihurantka brała kiravańnie ŭ svaje ruki: padšukvała im klijentaŭ, kantralavała hrafik i vyrašała arhanizacyjnyja pytańni», — raskazaŭ padrabiaznaści aficyjny pradstaŭnik USK pa Bresckaj vobłaści.
Takim čynam jana zavierbavała čatyroch biełarusak.
Jaje zatrymali ŭ aeraporcie, kali jana supravadžała čarhovuju dziaŭčynu dla vyletu ŭ Dubaj.
Spačatku jana pryznała vinu, ale paźniej stała kazać, što nie vierbavała dziaŭčat, a prosta ich supravadžała. Adnak detalizacyja telefonnych złučeńniaŭ, pierapiska ŭ miesiendžarach i fotazdymki, paćvierdzili jaje vinu, zapeŭnivajuć u SK.