Žanich padaryŭ Arynie Sabalency zaručalny piarścionak za miljon dalaraŭ
Pa infarmacyi vydańnia Daily Mail, košt zaručalnaha piarścionka biełaruskaj tenisistki, čatyrochrazovaj pieramožcy turniraŭ «Vialikaha šlema» i pieršaj rakietki śvietu Aryny Sabalenki moža vahacca ad 500 tysiač da miljona dalaraŭ.
Prapanovu ruki i serca Arynie Sabalency zrabiŭ jaje bojfrend, brazilski biznesmien hrečaskaha pachodžańnia Hieorhijas Franhulis, i jana adkazała zhodaj.
Piarścionak byŭ vyrableny pa indyvidualnym dyzajnie juvielirnym brendam ISA Grutman Jewelry, nad jakim niekalki miesiacaŭ pracavali sam Franhulis i zasnavalnica kampanii Izabeła Hrutman.
Hałoŭnym elemientam staŭ avalny bryljant vahoj bolš za 12 karat u płacinavaj apravie. U dyzajn taksama dadali izumrudy — lubimyja kamiani Sabalenki, što było asabistaj idejaj žanicha.
Košt takoha ŭpryhožvańnia moža składać ad 500 tysiač da 1 miljona dalaraŭ.
Sabalenka i Franhulis sustrakajucca z 2024 hoda. Za hety čas tenisistka vyjhrała dva turniry «Vialikaha šlema» — Adkryty čempijanat ZŠA ŭ 2024 i 2025 hadach, a taksama dajšła da finałaŭ «Rałan Haros» u 2025 hodzie i Australian Open u 2026 hodzie.
Čytajcie taksama:
Aryna Sabalenka vychodzić zamuž: pieršaja rakietka śvietu adkazała «tak» brazilskamu biznesmienu
Aryna Sabalenka pakazała svajho novaha chatniaha hadavanca FOTY