Siońnia ŭ Vieronie adbudziecca adkryćcio Paralimpijady
Udzieł u Paralimpijadzie biaruć čatyry biełaruskija atlety.
Siońnia ŭ italjanskaj Vieronie adbudziecca cyrymonija adkryćcia XIV zimovych Paralimpijskich hulniaŭ, paviedamlaje team.by.
Za ŭznaharody buduć zmahacca i biełarusy, jakija vystupiać u Italija u formie z nacyjanalnaj simvolikaj, z himnam i ściaham Biełarusi.
Na starty ŭ łyžnych honkach vyjduć čaćviora našych spartsmienaŭ — Valancina Biryła, Lidzija Łoban, Darja Fiadźkovič i Raman Śvirydzienka.
Paralimpijcy ŭžo prybyli na Hulni i paśpieli aprabavać trasy, na jakich projduć spabornictvy. Biełarusy znachodziacca ŭ dobraj formie, ale stan łyžni vyklikaje zaniepakojenaść z-za vysokaj tempieratury pavietra ŭdzień.
Pieršyja starty ŭ spryncie kłasičnym stylem našy atlety praviaduć na XIV zimovych Paralimpijskich hulniach 10 sakavika.
Honki z raździelnym startam kłasičnym stylem na 10 km adbuducca 11 sakavika, 14 sakavika— estafiety, a 15 sakavika projduć honki z raździelnym startam svabodnym stylem na 20 km.
U XIV zimovych Paralimpijskich hulniach prymuć udzieł bolš za 600 atletaŭ, jakija razyhrajuć 79 kamplektaŭ uznaharod u šaści vidach sportu.
Ad minułaj Paralimpijady ŭ 2022 hodzie biełaruskija atlety razam z rasijskimi byli adchilenyja z-za poŭnamaštabnaha napadu na Ukrainu.
Na Parampijadzie-2018 zavajavali 12 miedaloŭ (4+4+4), hetyja Hulni stali dla Biełarusi samymi paśpiachovymi.