Maładziožnyja zbornyja Biełarusi dapuścili da mižnarodnych spabornictvaŭ pa valejbole
Maładziožnyja valejbolnyja zbornyja Biełarusi znoŭ atrymali mahčymaść udzielničać u mižnarodnych turnirach. Takoje rašeńnie pryniała Administracyjnaja rada Jeŭrapiejskaj kanfiederacyi valejbołu padčas anłajn-pasiadžeńnia 3 sakavika.
Zdymak ilustracyjny. Fota: «Naša Niva»
Rašeńnie dazvalaje junijorskim kamandam ź Biełarusi i Rasii vystupać na moładzievych spabornictvach pad ehidaj hetaj arhanizacyi.
Heta źviazana z rašeńniem Mižnarodnaj fiederacyi valejbołu, pryniatym u śniežni 2025 hoda pavodle rekamiendacyj Mižnarodnaha alimpijskaha kamiteta. Zhodna ź im, junyja spartsmieny nie pavinny być adchilenyja ad mižnarodnych maładziožnych turniraŭ.
Novaje praviła dziejničaje z 1 studzienia 2026 hoda i raspaŭsiudžvajecca na spabornictvy, jakija pravodzić Jeŭrapiejskaja kanfiederacyja valejbołu. Dakładnyja ŭmovy i praktyčny paradak udziełu kamand jašče buduć udakładniacca.
Čytajcie taksama:
Hienieralnym sakratarom fiederacyi futboła staŭ valejbalist
Biełarusam dazvolili ŭdzielničać u mižnarodnych spabornictvach pa vodnym poła i konnym sporcie
Mižnarodnaja fiederacyja handboła paprasiła viarnuć u «našu handbolnuju siamju» biełarusaŭ i rasijan