Ukrainku, jakuju asudzili ŭ Biełarusi pa kryminalnaj spravie, abmianiali na dźviuch hramadzianak Rasii
Hubiernatar Kurskaj vobłaści Alaksandr Chinštejn paviedamiŭ, što padčas apošniaha abmienu vajennapałonnymi pamiž Rasijaj i Ukrainaj hramadzianku Ukrainy, asudžanuju ŭ Biełarusi, abmianiali na dźviuch žycharak Kurskaj vobłaści.
Abmianianyja rasijanki. Fota: t.me/Hinshtein
Pa słovach Chinštejna, ukrainski bok źviarnuŭsia da Biełarusi z prośbaj ab abmienie žančyny, jakaja adbyvała pakarańnie. Pa daručeńni Alaksandra Łukašenki adbyŭsia abmien na dźviuch žycharak Sudžanskaha rajona — babulu i ŭnučku va ŭzroście 85 i 42 hadoŭ.
Proźvišča žančyny, jakuju vyzvalili ŭ Biełarusi, nie nazyvajecca.
Raniej paviedamlałasia, što 5 i 6 sakavika Ukraina i Rasija praviali abmien vajennapałonnymi — usiaho byli vyzvaleny pa 500 čałaviek z kožnaha boku. Akramia taho, va Ukrainu viarnulisia dvoje cyvilnych asob.
Čytajcie taksama:
Ukraina i Rasija abmianialisia pałonnymi pa formule 300 na 300
Ukraina i Rasija praviali novy abmien pałonnymi pa formule 200 na 200