VPS Izraila nanieśli ŭdar pa ŭniviersitecie, jaki rychtuje aficeraŭ dla Korpusa vartavych isłamskaj revalucyi
U apieracyi ŭdzielničali bolš za 80 samalotaŭ.
VPS Izraila nanieśli ŭdar pa ŭniviersitecie imama Chusejna na paŭnočnym uschodzie Tehierana — ustanovie, jakaja rychtuje aficeraŭ dla Korpusa vartavych isłamskaj revalucyi. Pra ŭdar paviedamiła pres-słužba CACHAŁ.
Pavodle danych izrailskaj raźviedki, na terytoryi ŭniviersiteta raźmieščanyja niekalki vajennych abjektaŭ, jakija vykarystoŭvajucca KVIR.
«Hety abjekt byŭ zakonnaj vajennaj cellu ŭ adpaviednaści z zakonami ŭzbrojenaha kanfliktu z ulikam jaho charaktaru, vykarystańnia i pryznačeńnia», — havorycca ŭ paviedamleńni.
Padčas pavietranaha nalotu Izrail taksama paškodziŭ padziemnuju infrastrukturu, jakaja vykarystoŭvajecca dla zachoŭvańnia balistyčnych rakiet, dadali ŭ CACHAŁ.
U apieracyi ŭdzielničali bolš za 80 samalotaŭ.