Izrail atakavaŭ hatel u centry Biejruta
Cellu byli iranskija kamandziry.
Siońnia ranicaj, 8 sakavika, izrailskaja avijacyja naniesła ŭdar pa hateli «Ramada» ŭ stalicy Livana. Pavodle papiarednich danych Ministerstva achovy zdaroŭja krainy, zahinuli jak minimum čatyry čałavieki, jašče dziesiać atrymali ranieńni.
CACHAŁ aficyjna paćvierdziŭ ataku, zajaviŭšy, što cellu byli vysokapastaŭlenyja kamandziry elitnaha iranskaha padraździaleńnia «Kuds» (častka Korpusa stražaŭ isłamskaj revalucyi). Izrailski bok śćviardžaje, što hetyja aficery kaardynavali terarystyčnyja napady na Izrail.
Hatel «Ramada» znachodzicca ŭ hustanasielenym rajonie Biejruta.
Paviedamlajecca, što ŭ budynku žyli nie tolki pastajalcy, ale i šmatlikija pierasialency z poŭdnia Livana, jakija ŭciakali ad bajavych dziejańniaŭ. Paśla vybuchu pačałasia panika: ludzi masava pakidali hatel, aścierahajučysia paŭtornych udaraŭ.