Na nastupnym tydni budzie dalej ciapleć

Sinoptyk Dźmitryj Rabaŭ u efiry ANT paviedamiŭ, jakim budzie nadvorje ŭ Biełarusi nychpaśla 8 sakavika. Pavodle jaho słoŭ, z 9 da 15 sakavika čakajecca pastupovaje paciapleńnie.

Zdymak ilustracyjny. Fota: «Naša Niva»

Paciapleńnie źviazana z aktyŭnymi paŭdniovymi pavietranymi płyniami, jakija pavysiać tempieraturu prykładna na 3—5 hradusaŭ vyšej za normu dla hetaha času. U vyniku śnieh budzie chutka rastavać.

Pry hetym na poŭnačy i ŭschodzie krainy budzie krychu chaładniej, a na paŭdniovym zachadzie — značna ciaplej. U bolšaści rehijonaŭ apadkaŭ nie čakajecca, ale mahčymyja tumany.

Pačatak tydnia budzie znachodzicca pad upłyvam antycykłonu i ciopłych pavietranych mas z paŭdniovaha zachadu Jeŭropy. U paniadziełak nočču tempieratura składzie ad —4 na ŭschodzie da +2 na zachadzie, a ŭdzień — ad +4 u Viciebskaj vobłaści da +15 u Bresckaj. U aŭtorak nočču čakajecca ad —3 da +3, a ŭdzień — ad +9 da +15, u centry krainy kala +10. Viecier budzie paŭdniova-zachodni, umierany.

U sieradu i čaćvier nadvorje budzie vyznačać vobłaść vysokaha cisku, tamu zachavajecca pieravažna suchoje nadvorje. U sieradu nočču prahnazujuć ad —1 da +5, a ŭdzień — ad +6 u Viciebskaj vobłaści da +16 u Hrodzienskaj i Bresckaj. U čaćvier nočču taksama ad —1 da +5, a ŭdzień — ad +5 na poŭnačy da +14 na paŭdniovym zachadzie.

U piatnicu istotnych źmien nie čakajecca: u bolšaści rajonaŭ biez apadkaŭ, paŭdniova-zachodni ŭmierany viecier i pavyšanaja vilhotnaść. Nočču budzie ad 0 da +7, a ŭdzień — ad +6 na ŭschodzie da +10 — +14 u Bresckaj i Hrodzienskaj abłaściach.

Na vychadnych nadvorje krychu źmienicca z-za cykłonu z Bałtyki. Jon pryniasie karotkačasovyja daždžy i bolš vietranaje nadvorje. U subotu nočču tempieratura budzie ad —1 na paŭnočnym uschodzie da +5 na zachadzie, a ŭdzień — ad +9 na poŭnačy da +14 na paŭdniovym zachadzie. U niadzielu nočču čakajecca ad —1 da +5, a ŭdzień — ad +5 u Viciebskaj vobłaści da +13 u Bresckaj i Hrodzienskaj.

Kamientary da artykuła