KDB abvieściŭ zatrymanych knihavydaŭcoŭ Jaŭdachu, Bahdanoviča i Kołasa ŭdzielnikami ekstremisckaha farmavańnia
Usie jany byli zatrymanyja ŭ minułym miesiacy.
Fota: Lookby.media
«Ekstremisckim farmiravańniem» pryznana «Kaalicyja drukavanych vydaviectvaŭ «Fond Kamunikat.org», «Lohvinau Publishing House», «Andrei Yanushkevich Publishing». Rašeńnie było pryniata KDB 3 sakavika.
U suviazi z hetym farmiravańniem u pieraliku zhadvajucca Źmicier Kołas, Vacłaŭ Bahdanovič, Aleś Jaŭdacha, — jany znachodziacca ŭ Biełarusi; a taksama Jarasłaŭ Ivaniuk, Ihar Łohvinaŭ i Andrej Januškievič — jany za miažoj.
Nahadajem, u lutym u Minsku prajšli masavyja zatrymańni vydaŭcoŭ i raspaŭsiudnikaŭ knih. Tady byli zatrymanyja Kołas, Bahdanovič, Jaŭdacha. Usich ich spačatku adpravili na sutki pa administratyŭnych pratakołach. Z rašeńnia KDB vynikaje, što na ŭsich troch ciapier zaviedzienyja kryminalnyja spravy.
Abvinavačańni ŭ ekstremiźmie vykarystoŭvajucca biełaruskimi ŭładami dla baraćby z apanientami, a taksama dla pieraśledu inšadumstva ŭ cełym.