U Žodzinie kala novaj aŭtastancyi pastavili kanstrukcyju, jakaja padobnaja da šybienicy. Mahčyma, heta niešta inšaje, ale pakul vyhladaje tak
Niezvyčajnaja mietaličnaja kanstrukcyja kala darohi ździŭlaje i pužaje minakoŭ i kiroŭcaŭ, piša ex-press.by.
Fota pradastaŭlena čytačami ex-press.by
U Žodzinie niepadalok ad novaj aŭtastancyi źjaviłasia niezvyčajnaja kanstrukcyja, jakaja zdalok nahadvaje šybienicu.
Jana staić kala novaj aŭtastancyi Žodzina.
Imavierna, heta apora dla darožnaha abstalavańnia — mahčyma, śviatłafora, kamiery ci inšaha elemienta rehulavańnia ruchu. Miarkujučy pa ŭsim, samu pryładu pakul prosta nie ŭstalavali, ale pakul kanstrukcyja vyhladaje davoli złaviesna.