Andžeja Pačobuta ŭznaharodzili premijaj Andžeja Vajdy
Palitźniavolenaha žurnalista Andžeja Pačobuta ŭznaharodzili premijaj Andžeja Vajdy ŭ Krakavie. Jaho dačka, Jana Pačobut, pryniała ŭznaharodu ad imia baćki, piša BAŽ sa spasyłkaj na kresy24.pl.
Jana Pačobut (u centry) padčas cyrymonii ŭručeńnia premii. Fota: facebook.com / SenatRP
Cyrymonija ŭručeńnia premii adbyłasia padčas adkryćcia Hoda Andžeja Vajdy ŭ Krakavie.
Padčas cyrymonii arhanizatary padkreślili rolu Vajdy nie tolki ŭ raźvićci suśvietnaha kiniematohrafa, ale pieradusim u farmiravańni maralnych pohladaŭ.
«Andžej Vajda raspaviadaŭ ab univiersalnych prablemach. Sučasny śviet, usio bolš składany i niezrazumieły, patrabuje tłumačeńniaŭ, jakija šukaŭ dla nas Andžej Vajda. Chaj hety hod nablizić nas da hetaha vizijaniera i padšturchnie dumać sumlenna i śmieła», — padkreśliła śpikierka Sienata Małhažata Kidava-Błonska.
Łaŭreataŭ ušanavali za pracu ŭ duchu hramadskaj salidarnaści. Akramia Pačobuta, premiju taksama atrymała byłaja pieršaja ledzi, žonka 6‑ha prezidenta Polščy Lecha Valensy — Danuta Valensa.