Piaciarym biełaruskim kalinoŭcam zavočna pryznačyli ad 12 da 25 hadoŭ kałonii
Im inkryminavali «akt teraryzmu» i «stvareńnie terarystyčnaj arhanizacyi».
Spravu pačali razhladać u Minskim haradskim sudzie ŭ paradku śpiecyjalnaj vytvorčaści. Zavočna sudzili piać biełaruskich dobraachvotnikaŭ Pałka Kastusia Kalinoŭskaha: byłoha namieśnika kamandzira pałka, a ciapier pradstaŭnika pa abaronie i nacyjanalnaj biaśpiecy Abjadnanaha pierachodnaha kabinieta Vadzima Kabančuka, byłoha kamandzira pałka Paŭła Šurmieja, vajara Alaksieja Kavalčuka, instruktara Alaksieja Nazarava i byłoha kamandzira Dzianisa Procharava, piša «Viasna».
5 sakavika ich pryznali vinavatymi pa šerahu artykułaŭ Kryminalnaha kodeksu, siarod jakich «akt teraryzmu» i «stvareńnie terarystyčnaj arhanizacyi».
Fihurantam spravy pryznačyli pazbaŭleńnie voli terminam ad 12 da 20 hadoŭ, a taksama bujnyja štrafy.