«Pieršy raz takoje baču». Minčanka ździviłasia adsutnaści zvyčajnych ceńnikaŭ u kramie «Jeŭraopta»
Žančyna zaŭvažyła ŭ Minsku ŭ adnoj z kram sietki «Jeŭraopt» niezvyčajnuju dla jaje źjavu. Na niekatorych tavarach zamiest ceńnika byli niezrazumiełyja papiarednija čeki. Pakupnicu heta vielmi ździviła, piša «Telehraf».
«Što adbyvajecca ŭ «Jeŭraopcie»? Ja pieršy raz takoje baču. Ja nie viedaju, jak heta nazyvajecca i naohuł ci možna tak rabić. Uvohule, na voś hetych praduktach da 8 sakavika niama ceńnika, ale jość voś taki ček», — kaža aŭtar videarolika, apublikavanaha ŭ tyktoku.
Žančyna vykazała zdahadku, što papiaredniaja cana na pradčeku moža na kasie źmianicca, «uličvajučy, što tut napisana, što kančatkovy košt vyznačajecca na kasie».
Pavodle jaje słoŭ, takaja ž situacyja była i z kvietkami ŭ kramie, dzie na bukietach była paznačana papiaredniaja cana.
Videa vyklikała škvał kamientaryjaŭ. Adny vykazali zdahadku, što adsutnaść čekaŭ — nie samy sumlenny padychod. Inšyja ž stali na bok kramy.
«Heta ŭ handli nazyvajecca adkładzieny ček. Usio zakonna, jon jašče nie prabity i nie apłačany», — napisaŭ adzin kamientatar.
Inšy nahadaŭ, što ŭ hetaj situacyi niama ničoha niezvyčajnaha: «U Minsku daŭno takoje jość. Sutnaść u tym, što na momant zborki ceńnik na tavary — voś taki. Pry hetym praz dva dni niejki tavar moža patańnieć abo padaražeć. Nie buduć ža jany biehać i ŭsio pieraličvać dziesiać razoŭ. Vydatny varyjant — prykładny ceńnik viedaješ. Plus-minus budzie niaznačny».
«Heta ček z kasy samaabsłuhoŭvańnia, kali naciskaješ «Apłata najaŭnymi», a papiaredniaja, chutčej za ŭsio, tamu što kali pradjavić dyskontnuju kartu, to pry śpisańni bonusaŭ pry ich najaŭnaści suma moža źmianicca», — vykazała zdahadku jašče adna čytačka.
Byli i takija, chto zaklikaŭ MARH zaniacca dadzienaj situacyjaj i vykazacca, nakolki praktyka adsutnaści ceńnikaŭ i zamiena ich takimi papiarednimi čekami lehalnaja.
U adkaz, praŭda, niechta aburyŭsia, što niejkimi čekami vyklikali taki ažyjataž: «Našamu narodu nie dahadzić… Ludzi nie razumiejuć, što cana moža za dzień pamianiacca: z ranicy daražej, paśla abiedu ŭžo tańniej. Heta kampjutarnaja sistema ŭ handli!!! Niaŭžo nie zrazumieła… Vam prabjecca pravilnaja cana na toj momant, jak vy budziecie kuplać… A nakont pravierak — MARH ci jašče inšych praviarajučych orhanaŭ — ich i tak chapaje. Nivodnaje pradpryjemstva nie praviarajuć tak časta i staranna, jak kramy».