Niekatoryja biełarusy vajujuć suprać Ukrainy ŭ składzie čačenskaha śpiecnazu «Achmat»
Pra dvuch biełarusaŭ, jakija ŭdzielničajuć u bajavych dziejańniach va Ukrainie ŭ składzie śpiecpadraździaleńnia «Achmat», raskazała rasijskaje ahienctva «RIA-Novosti».
Ahienctva ŭziało intervju ŭ dvuch biełarusaŭ z «Achmata» z pazyŭnymi «Lipa» i «Bierkut». Abodva ničoha istotnaha, praŭda, nie havorać, abmiažoŭvajučysia standartnymi prapahandysckimi frazami pra abaronu histaryčnaj pamiaci, «tryadziny narod» i «dziady vajavali».
Abodva bajcy, akramia biełaruskaha, majuć i rasijskaje hramadzianstva.
«Achmat» — adno z padraździaleńniaŭ pad kantrolem kiraŭnika Čačni Ramzana Kadyrava, jakoje farmujuć pieravažna ź inšaziemcaŭ. Nazvu padraździaleńnie atrymała ad imia baćki Ramzana, Achmata Kadyrava, a kamanduje im Apci Ałaŭdzinaŭ.
Čytajcie taksama:
Kamandzir «Achmata»: Paśla Irana harantavana budziem my
U Kadyrava pierastali pracavać nyrki, Kreml šukaje novaha kiraŭnika Čačni — HUR
Ramzan Kadyraŭ pryznačyŭ 20‑hadovaha syna vice-premjeram Čačni