26‑hadovy minčuk uziaŭ dva kredyty i asabistyja źbieražeńni, kab zrabić 23 pieravody na rachunki ašukancaŭ
Jamu ŭ miesiendžary patelefanavali nibyta supracoŭniki Biełpošty i paviedamili pra zakazny list, što pryjšoŭ na jaho imia, paviedamlaje «Milicyja Minska».
Kab atrymać adpraŭleńnie, mužčyna pradyktavaŭ kod z SMS. Paśla hetaha pastupiŭ zvanok ad niesapraŭdnych supracoŭnikaŭ kibierbiaśpieki, jakija raspaviali, što minčuk raniej nibyta mieŭ znosiny z machlarami, jakija zavałodali jaho asabistymi danymi i ździajśniajuć ad jaho imia złačynnyja pieravody za miažu.
Zajaŭniku pahražali kryminalnym pieraśledam i pieratrusam, a kab hetaha paźbiehnuć, nastojliva rekamiendavali ŭziać kredyty i pieravieści atrymanyja hrošy na śpiecyjalny rachunak. Dla pierakanaŭčaści minčuku navat patelefanavaŭ iłžemilicyjanier pa videasuviazi.
Mužčyna spałochaŭsia, uziaŭ dva kredyty, dadaŭ asabistyja źbieražeńni i 23 razy pieraličvaŭ hrošy na paznačanyja rachunki. U ahulnaj składanaści jon pieravioŭ kala 40 000 rubloŭ.
Paśla pieravodu hrošaj mužčyna zasumniavaŭsia ŭ praŭdzivaści situacyi i źviarnuŭsia ŭ milicyju.