A što z Volhaj Niafiodavaj, jakuju ŭ kreśle mastackaha kiraŭnika Kupałaŭskaha zamianiŭ rasijanin?
Novym mastackim kiraŭnikom Kupałaŭskaha teatra staŭ rasijanin Dźmitryj Akimaŭ. U minułym jon byŭ na anałahičnaj pasadzie ŭ Čaremchaŭskim dramatyčnym teatry, Tomskim teatry junaha hledača i Matyhinskim dramatyčnym teatry.
A što z Volhaj Niafiodavaj?
Volha Niafiodava. Skrynšot: ont.by
Na aficyjnym sajcie Kupałaŭskaha teatra jana dahetul prezientujecca ŭ jakaści mastackaj kiraŭnicy, ale ŭ pryjomnaj «Našaj Nivie» paćvierdzili, što bolš jana hetuju pazicyju nie zajmaje.
Ale zastajecca ŭ teatry.
Nahadajem, letam 2020 hoda bolšaja častka trupy Kupałaŭskaha zvolniłasia ŭ znak pratestu suprać hvałtu siłavikoŭ i falsifikacyi vynikaŭ vybaraŭ. Volhu Niafiodavu pryznačyli mastackaj kiraŭnicaj teatra ŭ 2021 hodzie zamiest Mikałaja Pinihina. Na sustrečy z Łukašenkam jana adkryta asudžała ŭsich, chto pakinuŭ trupu, kažučy što joj «soramna za kaleh».
Paśla masavaha zvalnieńnia biełarusaŭ u Kupałaŭski pačali ŭładkoŭvać rasijan, jakija navat nie viedali biełaruskuju movu. U jakaści režysioraŭ taksama prychodzicca zaprašać na pracu śpiecyjalistaŭ z Rasii.
Navat unutry kalektyvu pryznajuć: teatr paśla 2020‑ha nie toj.
«U nas pravał pa siarednim pakaleńni akcioraŭ. Nie možam stavić kłasiku, dzie ŭsio napisana na hety ŭzrost — 50+. I kadravy režysiorski hoład. Nie mohuć znajści», — raspaviała ŭ intervju «SB» aktrysa Tamara Mironava.