Sieryjnaha złodzieja ŭ Buda-Kašaloŭskim rajonie vyličyli pa niedakurku
Minułaj vosieńniu ŭ rajonie adbyłasia sieryja kradziažoŭ ź leciščaŭ. Nieviadomy pranikaŭ na pakinutyja na zimu leciščy, kab razžycca praduktami i ałkaholem.
U adnym z damoŭ, najbolš ščodrym na pačastunki, znajšli niedakurak, jaki zabrali i nakiravali va ŭpraŭleńnie Dziaržkamiteta sudovych ekśpiertyz.
Padčas ekśpiertyzy ŭstanavili hienatyp nieviadomaha mužčyny, prydatny dla hienietyčnaj identyfikacyi. Vyjaŭleny hienatyp unieśli ŭ bazu danych DNK.
U studzieni asobu padazravanaha ŭstanavili. U jaho ŭziali ŭzory bukalnaha epiteliju i vyłučyli hienatyp. Jon supaŭ z hienatypam na niedakurku, znojdzienym na miescy kradziažu.
Mužčynu zatrymali. Zaviedziena kryminalnaja sprava.