Nazvany samyja ŭparadkavanyja miescy Biełarusi
Padviedzieny vyniki Hoda ŭparadkavańnia — vyznačany najlepšyja vobłaść, rajony i nasielenyja punkty.
Pavodle pastanovy ŭrada, lepšaj vobłaściu krainy pryznana Homielskaja.
Siarod abłasnych centraŭ i stalicy pieršaje miesca atrymaŭ Hrodna, jaki paćvierdziŭ svoj status adnaho z samych dahledžanych haradoŭ Biełarusi.
U roznych katehoryjach nasielenych punktaŭ lidarami stali Lida i Navapołack (siarod haradoŭ z nasielnictvam bolš za 50 tysiač čałaviek), a taksama Astraviec, Zasłaŭje i Pružany (u katehoryi ad 10 da 50 tysiač žycharoŭ).
Siarod mienšych haradoŭ adznačany Čašniki, Čerykaŭ, Białyničy i haradski pasiołak Akciabrski.
Nie zastalisia biez uznaharod i vioski: lepšymi sielskimi nasielenymi punktami pryznany Domžarycy Lepielskaha rajona, ahraharadok Akciabrskaja Viciebskaha rajona, ahraharadok Karoćki Karmianskaha rajona, ahraharadok Šeni Pružanskaha rajona i vioska Laskavičy Ivanaŭskaha rajona.
Siarod rajonaŭ-pieramožcaŭ u kožnaj vobłaści i Minsku sioleta apynulisia Biarozaŭski, Čašnicki, Kalinkavicki, Lidski, Maładziečanski, Škłoŭski i Pieršamajski rajon stalicy.
Pieramožcy atrymajuć roznyja hrašovyja premii z respublikanskaha biudžetu na raźvićcio haradskoj infrastruktury.