Źjavilisia spadarožnikavyja zdymki z nastupstvami ŭdaru rakiet pa branskim zavodzie mikraelektroniki — jon razburany
Analiz śviežych spadarožnikavych zdymkaŭ paćvierdziŭ krytyčnyja paškodžańni adnaho z najbujniejšych pradpryjemstvaŭ rasijskaha VPK — branskaha zavoda «Kremnij Eł».
Na spadarožnikavych zdymkach, apublikavanych CyberBoroshno, bačnyja nastupstvy piaci traplańniaŭ pa hałoŭnym vytvorčym cechu, naniesienych kryłatymi rakietami Storm Shadow.
Charaktar razbureńniaŭ śviedčyć, što adnaŭleńnie pracy biez poŭnaj i praciahłaj rekanstrukcyi praktyčna niemahčymaje. Faktyčna heta aznačaje vyviadzieńnie stratehičnaha abjekta z ekspłuatacyi na niavyznačany termin.
Rasijskija vajenkary pišuć, što nad Branskam padčas ataki na «Kremnij Eł» visieli ŭkrainskija bieśpiłotniki, jakija ažyćciaŭlali abjektyŭny kantrol.
Zavod «Kremnij Eł» źjaŭlajecca klučavym pastaŭščykom mikraelektroniki dla rasijskaj armii: tut vyrablajuć detali dla sistem SPA «Pancyr», rakietnych kompleksaŭ «Iskander» i inšaj vysokadakładnaj zbroi.
U vyniku ataki USU, pavodle źviestak hubiernatara Branskaj vobłaści, zahinuli šeść mirnych žycharoŭ. Jašče 42 čałavieki paranienyja.