Mužčynskaja zbornaja Irana admoviłasia ad udziełu ŭ čempijanacie śvietu pa futbole
Pra heta zajaviŭ ministr sportu krainy.
Zbornaja Irana pa futbole ŭdzielničała ŭ šaści čempijanatach śvietu, ale ni razu nie vybirałasia z hrupy. Fota: Gao Meng/VCG via Getty Images
Achmad Dańjamali zajaviŭ, što nacyjanalnaja zbornaja krainy nie moža ŭziać udzieł u čempijanacie śvietu pa futbole 2026.
«Paśla taho jak karumpavany ŭrad zabiŭ našaha lidara, nie zastałosia ŭmoŭ, jakija dazvalajuć nam udzielničać u čempijanacie śvietu. U śviatle žorstkich dziejańniaŭ, učynienych suprać Irana — nam naviazali dźvie vojny na praciahu vaśmi ci dzieviaci miesiacaŭ, u vyniku čaho zahinuli tysiačy našych suajčyńnikaŭ, — u nas dakładna niama mahčymaści ŭdzielničać u čempijanacie śvietu pry takich abstavinach», — pryvodzić słovy Dańjamali TV2.
Paśla taho, jak ZŠA i Izrail pačali 28 lutaha vajennuju kampaniju suprać Irana, u Tehieranie ŭžo kazali pra mahčymaść źniaćcia z čempijanatu śvietu.
Zbornaja Irana ŭsie matčy hrupavoha etapu ŭ červieni pavinna była pravieści ŭ ZŠA: dva — u Inhłvudzie (suprać Novaj Ziełandyi i Bielhii), adzin — u Sietle (ź Jehiptam).
Čytajcie taksama:
Iran pryhraziŭ źniacca z čempijanatu śvietu pa futbole. Chto moža pajechać zamiest jaho?