Mikoła Statkievič staŭ łaŭreatam premii Homo Homini 2026
Premija Homo Homini — heta adna z samych prestyžnych mižnarodnych uznaharod u halinie pravoŭ čałavieka, jakuju štohod uručaje češskaja pravaabarončaja arhanizacyja «Čałaviek u biadzie».
Hetaja premija prysudžajecca asobam abo arhanizacyjam, jakija zrabili vyklučny ŭkład u abaronu pravoŭ čałavieka, demakratyi i niehvałtoŭnaje vyrašeńnie palityčnych kanfliktaŭ. Uručeńnie tradycyjna prachodzić u Prazie padčas adkryćcia kinafiestyvalu «Adzin śviet» (Jeden svět).
Sioletniaja ŭznaharoda prysudžana Mikołu Statkieviču za jaho šmathadovuju mužnaść i addanaść spravie demakratyi ŭ Biełarusi, u tym liku za jaho admovu pakinuć krainu paśla vychadu z turmy ŭ 2025 hodzie.
Imia łaŭreata premii abviaściŭ staršynia Sienata Čechii Miłaš Vystrčył. Pakolki sam Statkievič nie moh prysutničać na cyrymonii, uznaharodu ad jaho imia atrymała žonka Maryna Adamovič.
Maryna Adamovič z uznaharodaj. Fota: «Radyjo Svaboda»
Čytajcie taksama:
Statkievič zaklikaŭ jeŭrapiejcaŭ stvaryć i ŭzbroić Biełaruski dobraachvotnicki korpus
Statkievič — biełarusam: Vaša ciepłynia achutvała mianie. I ja adčuvaŭ jaje amal fizična