Aryštavany ministr pryrody Siarhiej Maślak
«Jaho ŭziali z dokazami».
Fota: BiełTA
Ministr pryrodnych resursaŭ i achovy navakolnaha asiarodździa Biełarusi Siarhiej Maślak znachodzicca ŭ SIZA pa abvinavačańni ŭ chabarnictvie. Pra heta Alaksandr Łukašenka zajaviŭ na naradzie ab mierach pa vyklučeńni nieabhruntavanaha i niadobrasumlennaha pasiarednictva, piša BiełTA.
«Jaho ŭziali z dokazami. Ja vas papiaredžvaŭ, što my ž tam nie chapajem na vulicy kaho zaŭhodna. Švied [staršynia Viarchoŭnaha suda i były hienieralny prakuror Biełarusi Andrej Švied], a ciapier Hara Dźmitryj Jurjevič [ciapierašni hienieralny prakuror] heta žorstka kantralujuć. Kali treba — dakładuć», — skazaŭ Łukašenka.
Maślak uznačalvaŭ Minpryrody z 22 krasavika 2024 hoda. Jašče 7 sakavika 2026 hoda jaho bačyli na Minskaj łyžni.
Siarhiej Maślak naradziŭsia ŭ 1980 hodzie ŭ Minsku. Skončyŭ Biełaruski dziaržaŭny technałahičny ŭniviersitet, Instytut turyzmu Biełaruskaha dziaržaŭnaha ŭniviersiteta fizičnaj kultury i Akademiju kiravańnia pry Łukašenku.
Da ministerstva ŭ roznyja hady pracavaŭ u Vałmianskim laśnictvie, pradpryjemstvie «Biełhiprales», paśla ŭ Zielanbudzie i administracyi Zavodskaha rajona Minska.
Z 2015 pa 2019 hod byŭ staršynioj Minskaha haradskoha kamiteta pryrodnych resursaŭ i achovy navakolnaha asiarodździa, z 2019 pa 2024 — kiraŭnikom administracyi Zavodskaha rajona Minska.