«Cele» biełarusa Majeŭskaha razhramili na jaho poli ŭ matčy Lihi kanfierencyj
Ivana Majeŭskaha zvolnili z pasady hałoŭnaha treniera.
Słavienski kłub prajhraŭ afinskamu AJEKu ź likam 0:4 u pieršym matčy 1/8 finału jeŭrakubku. Hulnia ŭ adkaz praz tydzień u Hrecyi.
Nad Ivanam Majeŭskim u pačatku tydnia navisła pahroza adstaŭki z pasady hałoŭnaha treniera. Słavienskija ŚMI navat pišuć, što rašeńnie pra adstaŭku Majeŭskaha ŭžo pryniata.
Majeŭski, jaki dahetul pracavaŭ u «Cele» pamočnikam hałoŭnaha treniera, uznačaliŭ kłub u kancy studzienia, paśla taho, jak hałoŭny trenier kamandy Albiert Ryjera ŭznačaliŭ niamiecki «Ajntracht».
Ale z pačatku lutaha pad kiraŭnictvam Majeŭskaha «Cele» ŭ šaści matčach čempijanatu Słavienii atrymała dźvie pieramohi, adzin matč zhulała ŭničyju i trojčy prajhrała, a adryŭ ad kankurentaŭ — kłub idzie na pieršym miescy — skaraciŭsia z 12 da piaci bałaŭ.
A zaraz i balučaja paraza ŭ Lizie kanfierencyj.