Zavod «Atłant» rychtuje rebrendynh? Vytvorca bytavoj techniki rehistruje novyja tavarnyja znaki
Minski vytvorca bytavoj techniki «Atłant» rychtujecca da praviadzieńnia rebrendynhu. Jak daviedaŭsia Office Life, u kancy 2025 hoda kampanija padavała ŭ Nacyjanalny centr intelektualnaj ułasnaści zajaŭki na rehistracyju čatyroch novych tavarnych znakaŭ sa svaim łahatypam.
Fota: NCIS. Kałaž Office Life
Na siońnia ŭ ZAT zarehistravana piać tavarnych znakaŭ. Try novyja — nazva kampanii na anhlijskaj movie ŭ roznych kolerach. U paraŭnańni z papiarednimi łahatypami ŭ ich adroźnivajecca šryft i jany vyhladajuć bolš sučasnymi.
Čaćviorty tavarny znak — heta nazva kampanii z nadpisam premium. Z 2015 hoda ZAT «Atłant» vypuskaje adnajmiennuju sieryju chaładzilnikaŭ.
Kampanija rehistruje ŭsie tavarnyja znaki ŭ dvuch kłasach tavaraŭ (7 i 11) i dvuch kłasach pasłuh (37 i 39). Paśla ich rehistracyi ZAT zmoža pad imi, naprykład, vypuskać kampresary dla chaładzilnikaŭ, pralnyja mašyny, sami chaładzilniki, a taksama akazvać pasłuhi pa ŭstanoŭcy i ramoncie chaładzilnaha abstalavańnia i elektrapryboraŭ.
Raniej paviedamlałasia, što na pradpryjemstvie zapuściać novaje rabatyzavanuju vytvorčaść haryzantalnych marazilnikaŭ.