Źjaviŭsia rejtynh minskich łaźniaŭ
Za minuły hod łaźni, jakija znachodziacca ŭ padparadkavańni UP «Haradskija łaźni», naviedali 382 346 čałaviek. Pra heta paviedamiŭ dyrektar pradpryjemstva Anatol Marčanka, pišuć «Minsk-naviny».
Heta na 18 700 naviedvalnikaŭ (5,1 %) bolš, čym u 2024 hodzie. Uličvajučy, što častka ź ich — pastajannyja klijenty, hramadskija łaźni papularnyja siarod prykładna 10 % minčan, miarkuje Anatol Marčanka.
Na pradpryjemstvie pradstavili rejtynh papularnaści za 2025 hod:
1‑ie miesca — łaźnia №7 na vuł. Maskoŭskaj;
2‑ie miesca — Łaźnieva-azdaraŭlenčy kompleks «Łaźnia» na vuł. Marjeŭskaj;
3‑ie miesca — «Łaźnia №1» na vuł. Chmialnickaha;
4‑ie miesca — Łaźnia «Sucharava» na vuł. Sucharaŭskaj.
Pa vynikach 2024 hoda lidaram była «Łaźnia», śledam išoŭ kompleks «Łaźnia №1», zatym — №7 i ŭ kancy — «Sucharava».