18‑hadovy biełaruski hałkipier u Kanadzie ŭčyniŭ bojku ź vizavi supiernika
18‑hadovy chakieist Arsienij Radźkoŭ, u pierśpiektyvie — hałkipier «Manreala» z NCHŁ, pabiŭsia z Ouenam Bresonam u siaredzinie matča «Sent-Džon» — «Halifaks» u Hałoŭnaj junijorskaj lizie Kvebieka (QMJHL).
Paśla bojki abodva hałakipiery pajšli adpačyvać. Radźkoŭ zaviaršyŭ matč z 4 prapuščanymi hałami i 19 sejvami. «Sent-Džon» prajhraŭ — 4:5.
Debiutny zamiežny siezon atrymlivajecca dla syna futbolnaha treniera Arcioma Radźkova davoli nasyčanym. Jon užo paśpieŭ źmianić kamandu ŭ QMJHL, pravieści 40 matčaŭ, a ciapier jašče i pabicca, piša Bysport.
Atrymlivajecca, što ŭ svaje 18 Arsienij užo paŭtaryŭ dasiahnieńnie svajho baćki-futbalista, jaki za ŭsiu karjeru byŭ tolki adzin raz vydaleny z pola.
Radźkoŭ nie zatrymajecca ŭ lizie Kviebieka. U nastupnym siezonie jaho čakaje kamanda ŭniviersiteta Masačusets sa Studenckaj lihi ZŠA.