CHAMAS zaklikaŭ Iran ustrymacca ad zapusku rakiet i bieśpiłotnikaŭ pa krainach Piersidskaha zaliva
Paleścinskaja hrupoŭka CHAMAS vystupiła z redkim paprokam u adras Tehierana, zaklikaŭšy jaho spynić ataki na susiednija arabskija dziaržavy.
Tankier u Armuzskim pralivie, fota Ian Forsyth/Getty Images
«Paćviardžajučy prava Isłamskaj Respubliki Iran adkazać na hetuju ahresiju ŭsimi dastupnymi srodkami ŭ adpaviednaści ź mižnarodnymi normami i zakonami, ruch zaklikaje bratoŭ u Iranie paźbiahać udaraŭ pa susiednich krainach», — havorycca ŭ zajavie CHAMAS.
CHAMAS, jaki dva hady vioŭ vajnu ź Izrailem u siektary Haza, taksama zaklikaŭ mižnarodnuju supolnaść damahčysia nieadkładnaha spynieńnia bajavych dziejańniaŭ.
Raniej hrupoŭka asudziła zabojstva viarchoŭnaha lidara Irana Ali Chamieniei, nazvaŭšy heta «źviarynym złačynstvam».
Iran zajaŭlaje, što jaho ataki nakiravany suprać amierykanskich abjektaŭ na terytoryi krain Zaliva, a nie suprać samich susiedziaŭ, adnak šmat udaraŭ pryjšłosia pa hramadzianskaj infrastruktury.
Raniej padčas kanfliktu prezident Irana Masud Piezieškijan paprasiŭ prabačeńnia za «škodu», naniesienuju susiednim dziaržavam, — choć takija ŭdary potym praciahnulisia.