Tramp patłumačyŭ «naftavuju adlihu»: sankcyi suprać Rasii viernuć, jak tolki sucišycca Blizki Uschod
Donald Tramp u intervju NBC News zajaviŭ, što časovaje źmiakčeńnie sankcyj na rasijskuju naftu — heta vymušany krok dla stabilizacyi suśvietnych cen. Vašynhton dazvoliŭ handal rasijskimi enierhanośbitami, zahružanymi na sudny da 12 sakavika, ale hetaje pasłableńnie dziejničaje tolki da 11 krasavika.
Donald Tramp. Fota: Chip Somodevilla / Getty Images
Rezkaje padaražańnie nafty adbyłosia z-za vajennaj apieracyi ZŠA suprać Irana. Kab paźbiehnuć enierhietyčnaha kryzisu i šokavych cen na zapraŭkach, Bieły dom vyrašyŭ časova «raspakavać» rasijski ekspart.
Tramp padkreśliŭ, što sankcyjny cisk budzie adnoŭleny ŭ poŭnym abjomie, jak tolki situacyja na Blizkim Uschodzie narmalizujecca.
Pry hetym pasłableńni nie tyčacca tranzakcyj, źviazanych z samim Iranam ci tavarami iranskaha pachodžańnia.
Taksama Tramp zajaviŭ, što nie hatovy zaklučyć pahadnieńnie ab spynieńni vajny ź Iranam, «tamu što ŭmovy pakul niedastatkova dobryja», ale admoviŭsia nazvać, jakimi buduć hetyja ŭmovy. «Iran choča zaklučyć ździełku, a ja nie chaču jaje zaklučać, bo ŭmovy pakul niedastatkova dobryja», — skazaŭ jon.