U Biełarusi buduć štrafavać za prapahandu homaseksualnych adnosin, biaździetnaści i źmieny połu
Pałata pradstaŭnikoŭ u druhim čytańni pryniała prajekt zakona ab uviadzieńni adkaznaści za raspaŭsiudžvańnie infarmacyi ab homasieksualnych adnosinach, biaździetnaści, piedafilii i źmienie połu, źviarnuła ŭvahu «Miedyjazona».
Fota: tvn24.pl
Artykuł praduhledžvaje, što za «raspaŭsiudžvańnie infarmacyi ŭ metach farmavańnia ŭ hramadzian ujaŭleńniaŭ ab pryvabnaści homasieksualnych adnosin, źmieny połu, biaździetnaści abo ab pryznańni piedafilii dapuščalnaj» čałavieka mohuć aštrafavać na sumu 20 bazavych adzinak (900 rubloŭ, 1 bazavaja ciapier — 45 rubloŭ), indyvidualnaha pradprymalnika — da 100 bazavych adzinak, a jurydyčnuju asobu — ad 100 da 150 bazavych adzinak.
Kali ź infarmacyjaj aznajomicca niepaŭnaletni, tady suma štrafu składzie ad 20 da 30 bazavych, akramia taho, za heta taksama zmohuć pryznačyć hramadskija pracy abo administracyjny aryšt.