Nazvany samy vysokaapłatny akcior minułaha hoda
A 22‑hadovaja zorka sieryjała «Vielmi dziŭnyja spravy» stała samaj maładoj aktrysaj u historyi rejtynha Forbes.
Adam Sendler. Fota: Richard Shotwell / Invision / AP
Samy vysokaapłatny akcior minułaha hoda pa padlikach Forbes — Adam Sendler. Jon zarabiŭ 48 miljonaŭ dalaraŭ (paśla vypłaty hanararaŭ svajmu ahientu i mieniedžaru).
U jaho zaklučany doŭhaterminovy kantrakt z Netflix. U 2025 hodzie Sendler vystupiŭ pradziusaram i źniaŭsia ŭ filmie «Ščaśliŭčyk Hiłmar 2», a taksama syhraŭ hałoŭnuju rolu ŭ filmie Netflix «Džej Keli», atrymaŭšy naminacyju na premiju «Załaty hłobus» za najlepšuju mužčynskuju rolu druhoha płana.
Dalej u rejtynhu idzie Tom Kruz z 46 miljonami dalaraŭ za hod. Na ekrany ź im vyjšaŭ bajevik «Misija nievykanalnaja: Finalnaja raspłata» (vośmaja častka hetaj sieryi filmaŭ).
Na trecim miescy Mark Uołbierh ($44 miljony), na čaćviortym — Skarlet Jochansan ($43 miljony), na piatym — Bred Pit ($41 miljon).
U top-10 uvajšli taksama akciory Denzieł Vašynhton ($38 miljonaŭ), Džek Błek ($28 miljonaŭ), Džejsan Mamoa ($28 miljonaŭ), Denieł Krejh ($27 miljonaŭ) i Mili Bobi Braŭn ($26 miljonaŭ).
Mili Bobi Braŭn. Fota: Scott A Garfitt / Invision / AP
Braŭn, 22‑hadovaja zorka sieryjała Netflix «Vielmi dziŭnyja spravy» (Stranger Things), stała samaj maładoj aktrysaj u historyi rejtynha Forbes.