U centry Minska mužčyna chacieŭ saskočyć z šostaha paviercha. Psichołah zmoh jaho adhavaryć
Dniom 15 sakavika na bałkon na šostym paviersie haścinicy «Minsk» na praśpiekcie Niezaležnaści vyjšaŭ mužčyna. Jon pieralez praz aharodžu i stajaŭ na krai bałkona.
Fota: «Minskaja praŭda»
Na miesca chutka padjechali supracoŭniki MNS i raściahnuli nadzimanuju vyratavalnuju padušku. Na šosty pavierch da mužčyny padniaŭsia vyratavalnik-psichołah. Kala 40 chvilin jon vieŭ pieramovy.
«Ja doŭha vyśviatlaŭ jaho žyćciovuju situacyju i aceńvaŭ psichaemacyjny stan. Paźniej staŭ kazać pra kaštoŭnaść žyćcia, pryvodziŭ arhumienty, nahadaŭ pra biezumoŭnuju luboŭ jaho maci, jakaja čakaje jaho doma», — raskazaŭ psichołah kanału «Minsk Live».
U vyniku mužčyna zrabiŭ usio, pra što jaho prasili — pieradaŭ telefon vyratavalniku i pieralez nazad u pakoj. Jon nie paciarpieŭ.