Janotu Sieniu, jaki akazaŭsia dziaŭčynkaj, užo znajšli žanicha
Žanicha zavuć Maksim.
Skrynšot ź videa
U janota-samki, jakaja pryjechała z ZŠA ŭ Biełaruś u marskim kantejniery, źjaviŭsia patencyjny žanich. Pra heta na STB raspaviała vieterynar parku dla žyvioł u Baranavičach Kaciaryna Čarniak.
«Da siabie blizka nie padpuskaje, ale my nad hetym pacichu pracujem. Ź lubimych praduktaŭ u jaho miasa, pryvykaje da sadaviny, kašaŭ», — kaža Kaciaryna Čarniak.
Toje, što Sienia akazaŭsia samkaj, nijak nie paŭpłyvała na jaho ŭmovy ŭtrymańnia. Źmienicca tolki zapis u novym pašparcie. Zaraz vybirajuć imia. «Dalejšyja płany — heta złučeńnie jaje z samcom pa mianušcy Maksim. Budziem płanavać atrymańnie ad ich patomstva», — raskazała vieterynar.
Janot pryjechaŭ u Biełaruś z ZŠA ŭ marskim kantejniery. U darozie jon byŭ kala miesiaca, ale janoty mohuć upadać u śpiačku, kab zachavać enierhiju, tamu žyvioła vyžyła bieź ježy. Spačatku Sienia byŭ na karancinie ŭ Ašmianskaj rajonnaj vieterynarnaj stancyi, paśla pierajechaŭ u park žyvioł u Baranavičach.