Deputaty Jeŭraparłamienta nie zmahli znajści Iran na karcie śvietu
Apytanku zładziła vydańnie Le Parisien.
Skrynšot videa Le Parisien
Niekatoryja deputaty Jeŭrapiejskaha parłamienta nie zmahli znajści na karcie śvietu Iran, pierabłytaŭšy respubliku z Turcyjaj i inšymi krainami Blizkaha Uschodu, paviedamlaje francuzskaje vydańnie Le Parisien.
U pačatku sakavika karespandent telekanała TMC dla prahramy Quotidien pravioŭ apytańnie siarod deputataŭ Jeŭraparłamienta ŭ Strasburhu. Jon daŭ palitykam kartu śvietu, na jakoj krainy nie byli padpisanyja, i paprasiŭ znajści na joj Iran.
Ministr-delehat Francyi pa spravach Jeŭropy pakazaŭ na Armuzski praliŭ, deputat Jeŭraparłamienta ad Sacyjalistyčnaj partyi Ema Rafovič pryniała Iran za Bałharyju, a deputatka z partyi «Adradžeńnie» Fabjen Kieler pierabłytała respubliku z Turcyjaj.
«Što da deputatki Jeŭraparłamienta ad «zialonych» Mary Tusen, to paśla doŭhich vahańniaŭ jana vybrała Afhanistan. David Karman, taksama deputat Jeŭraparłamienta ad «zialonych», ličyć, što znajšoŭ adkaz, pakazvajučy na Saudaŭskuju Araviju», — piša Le Parisien.
Sustaršynia partyi «Niepakornaja Francyja» Manon Abry na pytańnie žurnalista adkazała pravilna. Paźniej jana adznačyła, što pamyłki byli b śmiešnymi, kali b Jeŭraparłamientu nie davodziłasia prymać rašeńni adnosna vajennych dziejańniaŭ ZŠA ŭ Iranie.